Ծիծաղաշարժ իրավիճակ է. Քիրբին՝ Թուրքիայի` ԱՄՆ-ին ուղղված մեղադրանքների մասին

ԱՄՆ ԱԳ նախարարության խոսնակ Ջոն Քիրբին ուշագրավ հայտարարություններ է արել Թուրքիայում հուլիսի 15-ին ռազմական հեղաշրջման փորձի վերաբերյալ:

Ըստ Demokrathaber-ի՝ «60 րոպե» հաղորդմանը հյուրընկալված Քիրբին հայտարարել է, որ Թուրքիայում ԶԼՄ-ների մեծ մասը ոչինչ չի ձեռնարկել՝ հեղաշրջման փորձը ԱՄՆ-ի իրականացրածը լինելու վերաբերյալ կարծիքը վերացնելու ուղղությամբ:

«Ծիծաղաշարժ իրավիճակ է: ԱՄՆ-ը հեղաշրջման հետ ոչ մի կապ չունի»,-նշել է նա:

Քիրբին հրաժարվել է խոսել հեղաշրջման փորձն իրականացնելու մեջ Թուրքիայի իշխանությունների կողմից մեղադրվող ամերիկաբնակ կրոնական ղեկավար Ֆեթուլլահ Գյուլենին վերադարձնելու մասին՝ նշելով, որ դա ԱՄՆ արդարադատության նախարարությանն առնչվող հարց է: