Իրանի նախագահը Հայաստան կգա մինչև Ամանոր. դեսպանատան աշխատակից

Ադրբեջանական haqqin.az-ը, հղում տալով իրանական Fars պարբերականին, գրում է, որ Իրանի նախագահ Հասան Ռոհանին հաջորդ շաբաթ այցելելու է Հայաստան:

Yerkir.am-ին ՀՀ-ում Իրանի դեսպանատնից հայտնեցին, որ տեղեկությունը չի համապատասխանում իրականությանը: «Ռոհանին մինչև Ամանոր կայցելի Հայաստան, բայց թե ե՞րբ, դեռ հայտնի չէ: Այն, որ դա հաջորդ շաբաթ չի լինի, հստակ է»,- ասացին դեսպանատնից:

Հիշեցնենք, որ օրերս իրանագետ Վարդան Ոսկանյանը լրագրողների հետ զրույցում նշել էր, որ Ռոհանին առաջիկայում կայցելի Հայաստան, նաև` որ Իրանի դեմ պատժամիջոցների վերացումից հետո նկատելի դարձավ, որ Հայաստան-Իրան հարաբերությունների տնտեսական մասում նկատելի առաջընթաց կա: