Քրդամետ կուսակցության համանախագահներին կալանավորեցին

Թուրքիայում քրդամետ Ժողովուրդների դեմոկրատական կուսակցության համանախագահներ Սելահաթթին Դեմիրթաշն ու Ֆիգեն Յուքսեքդաղը կալանավորվեցին:

Ըստ Demokrathaber-ի՝  նրանց օդանավով տեղափոխել են Քոջաելիի Քարթեփե շրջանում գտնվող «Ջենգիզ Թոփել» օդանավակայան, որտեղից էլ Յուքսեքդաղին տեղափոխել են Քոջաելիի «Ֆ» տիպի բանտ: Դեմիրթաշին ուղղաթիռով տեղափոխել են Էդիրնե՝ տեղի «Ֆ» տիպի բանտ: 

Նշենք, որ դատարանի որոշմամբ կալանավորվել են պատգամավորներ Նուրսել Այդողանը, Լեյլա Բիրլիքը, Գյուրսել Յըլդըրըմը, Սելմա Ըրմաքը, Ֆերհաթ Էնջուն և Աբդուլլահ Զեյդանը: Ազատ են արձակվել Իմամ Թաշչիերը, Զիրա Փիրն ու Սըրրը Սուրեյյա Օնդերը՝ վերահսկողության տակ մնալու պայմանով: