Նշաձողը բարձր է. Կարեն Կարապետյան

Այսօր ԱԺ արտահերթ նիստում կառավարության ծրագիրն էր ներկայացնում վարչապետ Կարեն Կարապետյանը: Նա ԲՀԿ-ական պատգամավոր Գուրգեն Արսենյանի հարցին պատասխանելիս անկեղծացավ` ասելով որ թեև քաղաքական  ելույթներ ունենալն իր ուժեղ կողմը չէ, սակայն այն, ինչ ասել է, անկեղծ է ասել:

«Ոչ իրականանալի ծրագիր չենք բերել ու չենք փորձել պոպուլիզմով զբաղվել, բայց որ ծրագրի նշաձողը բարձր է, դա այդպես է»,- ասաց վարչապետը:

ԲՀԿ-ական մեկ այլ պատգամավոր` Լյովա Խաչատրյանը, հարցրեց, թե «ռիսկով տղաներին» կարողանալո՞ւ են ասել, որ ստվերից դուրս գան ու հարկեր վճարեն:

«Ասելու ենք նրանց, ովքեր պետք է վճարեն: Հիմա` ռիսկով են, թե` չէ,  դա ինչ կապ ունի»,- պատասխանեց վարչապետը: