Հոգնել էի էս գործից. Այգեհատում բարեկամը հաղթել է բարեկամին

Լոռու մարզի Այգեհատ համայնքում երեկ կայացած` համայնքապետի ընտրություններում միմյանց դեմ պայքարել են նույն գերդաստանի 5 ներկայացուցիչներ՝ Արշակ, Բորիս, Գագիկ, Խաչատուր, Սամվել Շահվերդյանները:

Ընդամենը 3 ձայնի տարբերությամբ ՀՀԿ-ական նախկին գյուղապետ Արշակ Շահվերդյանը հաղթել է ՀՀԿ-ական բարեկամին՝ գործող գյուղապետ Սամվել Շահվերդյանին: Նա հավաքել է 45 ձայն:

Yerkir.am-ի հետ զրույցում Այգեհատի արդեն նախկին գյուղապետ Սամվել Շահվերդյանը նշեց, որ իր մրցակիցը «մի կերպ է ձգել ու ընտրվել»: «Ճիշտն ասած` ես չէի ուզում, հոգնել էի էս գործից, դրա համար լավ չէի զբաղվում ընտրություններով: Ուզում եմ մի բան անեմ գյուղի համար, բայց գլխացավանք է, եսիմ...»,- խոր հիասթափությամբ ասաց նա: