«Էրդողա՞ն, թե՞ Գյուլեն». Թուրքիայում 10-ամյա երեխաներին հեղաշրջման փորձի քարոզչություն են անում

Թուրքիայում Էրդողանի քարոզչությունն սկսել են իրականացնել նաև դպրոցներում: Իսքենդերուն նահանգում գտնվող Միհթաթ փաշա տարրական դպրոցում 9-ամյա երեխաներին «քարոզել են» հուլիսի 15-ին երկրում տեղի ունեցած ռազմական հեղաշրջման փորձի մասին:

Ըստ Demokrathaber-ի՝ կրոնի դասատուն երեխաներին հարց է ուղղել, թե՝ «ո՞վ է սիրում Գյուլենին, ո՞վ՝ Էրդողանին», կամ «ո՞վ ԱԶԿ-ի անդամ է, ո՞վ՝ ԺԴԿ-ի, ո՞վ՝ ԺՀԿ-ի»: Նա պահանջել է նաև ձեռք բարձրացնել և բաժանվել խմբերի՝ ըստ կատարած ընտրության: Այդ մասին տեղեկացված ծնողները դժգոհություն են հայտնել դպրոցի տնօրինությանը, որն իր հերթին գրավոր զգուշացում է արել ուսուցչին:

Նշենք, որ ռազմական հեղաշրջման փորձն իրականացնելու մեջ մեղադրվում է Էրդողանի գլխավոր ընդդիմադիրներից՝ ամերիկաբնակ Ֆեթուլլահ Գյուլենը, որի գլխավորած կազմակերպությունը՝ Գյուլենական շարժումը, Թուրքիայում համարվում է ահաբեկչական կազմակերպություն: