Թուրքիայում հեղաշրջման փորձի ընթացքում և դրան հաջորդած օրերին կորել է 106 740 միավոր զենք. երկրի ՆԳՆ

Թուրքիայում 2016 թվականի հուլիսի 15-ին տեղի ունեցած ռազմական հեղաշրջման փորձի և դրան հաջորդած օրերի ընթացքում կորել կամ գողացվել է պետության հաշվեկշռում գտնվող 106 740 միավոր զենք: Այդ մասին տեղեկացնում է երկրի ՆԳ նախարարությունը:

Հեղաշրջման փորձի ընթացքում այս հարցը լայնորեն քննարկվել էր թուրքական ընդդիմադիր մամուլում, իսկ 2017 թվականի հուլիսին Թուրքիայի գլխավոր ընդդիմադիր Ժողովրդահանրապետական կուսակցությունից պատգամավոր Էրեն Էրդեմը թեմայի շուրջ գրավոր հարցում էր հղել ՆԳՆ: Մամուլում հայտնվել էին նաև լուրեր, որ հեղաշրջման փորձի ընթացքում կորել են վնասազերծված զինվորների զենքերը: 

Ի պատասխան՝  տրվել են հեղաշրջման փորձի օրն ու դրան հաջորդած հավաքների ընթացքում տուժած խաղաղ բնակիչներին տրված փոխհատուցումների չափերի, պետական ծառայողների վերաբերյալ սկսված հետաքննությունների, գողացված կամ կորած մեքենաների ու զենքերի մասին մանրակրկիտ տեղեկություններ:

ՆԳՆ զեկույցի համաձայն՝ կորած զենքերի թիվը 106 740 միավոր է: