Իրավիճակը խաղաղ բանակցային ճանապարհով լուծում պիտի ստանա. Հերմինե Նաղդալյանը` ՀՀԿ նիստից հետո

Այսօր ՀՀԿ ԳՄ նիստում քննարկվել են Երեւանում տեղի ունեցող զարգացումները: Այդ մասին նիստից հետո լրագրողներին ասաց ԱԺ փոխնախագահ Հերմինե Նաղդալյանը: Նա ընդգծեց, որ  ՀՀԿ-ի եւ Սերժ Սարգսյանի դիրքորոշումն այն է, որ իրավիճակը խաղաղ բանակցային ճանապարհով լուծում ստանա:

«Մեր մոտեցումը եղել է, որ հայը հայի վրա չպետք է կրակի», - ասաց Հերմինե Նաղդալյանը:

Պատասխանալեով հարցին` իսկ ինչ է պատրաստ զիջել իշխանությունը, Նաղդալյանը շեշտեց, որ այս պահին զիօջումների մասին չէ խոսքը, այլ խաղաղ հանգուցալուծման, իսկ զինված անձանց բարձրացրած խնդիրները առկա են մեր երկրում, եւ դրանք վերացնելու նպատակով բարեփոխումներ են իրականացվում: «Խնդիրները, որոնց մասին խոսվում են, բավականին լուրջ խնդիրներ են, որոնք տարիներով կուտակված են, որոնց լուծման ուղղությամբ ՀՀԿ-ն աշխատել է, աշխատում է և աշխատելու է»: