Ամուսնու կողմից կացնահարված կինը սկսել է ինքնուրույն շնչել

Տեղեկացրել էինք, որ ղեկացրել էինք, որ երեկ դաժան սպանություն է տեղի ունեցել Երևանում: Փեսան կացնով սպանել է զոքանչին, իսկ կինն ու աներն էլ վնասվածքներով տեղափոխվել են հիվանդանոց:

Yerkir.am-ին «Էրեբունի» հիվանդանոցի հասարակայնության հետ կապերի բաժնի պատասխանատու Շուշան Հունանյանը հայտնեց, որ այս պահին հիվանդանոց տեղափոխված երկու տուժածներն էլ` 37-ամյա Թագուհի Մանսուրյանը և 62-ամյա Վաչագան Մանսուրյանը, դեռևս գտնվում են վերակենդանացման բաժանմունքում:

Հունանյանը տեղեկացրեց նաև, որ այսօր, սակայն, արհեստական շնչառության սարքից անջատել են Թագուհի Մանսուրյանին և նա սկսել է շնչել ինքնուրույն: Բժիշկները հոր և դստեր վիճակը գնահատում են կայուն ծանր: