Բաշար ալ Ասադն ընտանիքի հետ այցելել է վիրավոր զինվորներին

Սիրիայի նախագահ Բաշար ալ Ասադն այցելել է սիրիական բանակի՝ Հոմս շրջանում գտնվող վիրավոր զինվորներին՝ նրանց բնակարաններում:

«Գանձասար»-ի հաղորդմամբ՝ Ասադը զինվորներին այցելության է գնացել առաջին տիկին Ասմա ալ Ասադի և իր զավակների հետ: Նախագահը զինվորներին խոստացել է շարունակել նեցուկ կանգնել նրանց և նրանց ընտանիքներին:

Կայքը հիշեցնում է, որ 2014-ից ի վեր նախագահականի նախաձեռնությամբ սկսել է գործել «Հայրենիքի վիրավոր» ծրագիրը, որի համաձայն՝ սիրիական բանակի ծանր վիրավորները, հատկապես՝ հաշմանդամները, ապահովվում են վիրաբուժական արդիական հնարավորություններով: 2014-ից ի վեր այս ծրագրից օգտվել է 435 վիրավոր: