Մայիսի 10-ին ԱԺ արտահերթ նիստ կգումարվի

Այսօր կառավարության նիստում կառավարության աշխատակազմի ղեկավար-նախարար Դավիթ Հարությունյանը ներկայացրեց որոշում՝ առաջարկել Ազգային ժողովի նախագահին 2016 թվականի մայիսի 10-ին` ժամը 12:00-ին, գումարել Հայաստանի Հանրապետության Ազգային ժողովի արտահերթ նիստ:

Նիստում քննարկվելու է 15 օրինագիծ, որոնց թվում են «Հայաստանի Հանրապետությունում ստուգումների կազմակերպման և անցկացման մասին» օրենքում լրացում կատարելու մասին», «Էներգախնայողության և վերականգնվող էներգետիկայի մասին» , «Էներգետիկայի մասին», «Հարկերի մասին», «Շահութահարկի մասին», «Եկամտային հարկի մասին», «Պետական տուրքի մասին» օրենքներում լրացումներ կատարելու մասին օրենքի նախագծերը, Քաղաքացիական օրենսգրքում փոփոխություն և լրացումներ կատարելու մասին»,«Հսկիչ-դրամարկղային մեքենաների կիրառման մասին», «Առևտրի և ծառայությունների մասին», «Սպառողների իրավունքների պաշտպանության մասին» օրենքներում լրացումներ կատարելու մասին հարցերը:

Նաև «ՀՐԱԶԴԱՆ-ՑԵՄԵՆՏ» փակ բաժնետիրական ընկերությանը հարկային եւ պարտադիր սոցիալական ապահովագրության վճարների գծով արտոնություններ տալու մասին» հարցը և մի շարք այլ հարցեր: