Ուշադրություն բոլոր նրանց, ովքեր ցանկանում են սոցիալական օգնություն ուղարկել ԼՂՀ

ԼՂՀ փոխվարչապետ Արթուր Աղաբեկյանի խորհրդական Ազատուհի Սիմոնյանը տեղեկացնում է, որ, ամենօրյա կապի մեջ լինելով Արցախի հետ, տեղյակ լինելով առկա խնդիրներին ու կարիքներին, անհրաժեշտություն է առաջացել համատեղել սոցիալական օգնության բոլոր հավաքները, ցանկագրել ու ուղարկել Արցախ` համապատասխան մարմիններին:

«Սիրելի հայրենակիցներ, ովքեր ցանկանում են օգնությունը նպատակակետին հասցնել ու համագործակցել ԼՂՀ կառավարության կողմից կյանքի կոչված օպերատիվ շտաբի հետ՝ ապա խնդրում եմ այս հարցում ևս ցուցաբերել համախմբվածություն և համակարգել ողջ ջանքերը: Ուստի օգնությունը նպատակակետին ուղղելու համար խնդրում եմ կապ հաստատել այս հեռախոսահամարներով +374 77966505, +374 93905772, +374 11248008, ցուցակագրել ողջ օգնությունը ըստ պատշաճի: Առաջին փուլում անհրաժեշտ է օգնության ցուցակները ուղարկել հետևյալ էլ. փոստի հասցեին՝ [email protected], մենք հաղթել, հաղթում և կհաղթենք միասնական համախմբմամբ»,- ասված է Ազատուհի Սիմոնյանի հայտարարության մեջ: