Ադրբեջանի ազգային անվտանգության նախարարության նախկին գնդապետին կախված են գտել բանտում

Ադրբեջանի ազգային անվտանգության նախարարության հակաահաբեկչական կենտրոնի ղեկավարի նախկին տեղակալ Իլգար Ալիևը Բաքվի քննչական մեկուսարանում կախված են գտել. հայտնում է haqqin.az-ը:

Ալիևը կախվել է երեկ`  սավանի միջոցով:

Ինքնասպանության փաստի առթիվ հարուցվել է քրեական գործ՝ Ադրբեջանի քրեական օրենսգրքի 125-րդ հոդվածի հատկանիշներով:

Հիշեցնենք, որ Ադրբեջանի ԱԱՆ-ի 21 նախկին պաշտոնյաներ մեղադրվում են խախտումներ, չարաշահումներ իրականացնելու մեջ: Ալիևը ձերբակալվել էր տվյալ գործի շրջանակում:

Ուշագրավ է, որ մինչ հետաքննության սկսվելը ադրբեջանական ԶԼՄ-ները կատարվածն արդեն որակում են որպես ինքնասպանություն, սակայն դեռ հարց է` գնդապետը կախվե՞լ է, թե՞ նրան կախել են: