Ավտոպատահար Վայոց ձորում. վարորդը մահացել է

Արտակարգ իրավիճակների եւ տարաքային կառավարման նախարարությունից հայտնում են, որ դեկտեմբերի 20-ին, ժամը` 00:21-ին, իրենք ահազանգ են ստացել, որ Վայոց ձորի մարզի Ազատեկ գյուղի մոտակայքում ՃՏՊ է տղի ունեցել, տուժող կա եւ անհրաժեշտ է փրկարարների օգնությունը:

Նախարարության կայքից տեղեկանում ենք, որ դեպքի վայր է մեկնել մեկ մարտական հաշվարկ ու պարզել, որ Ազատեկ-Վայք ավտոճանապարհի 6-րդ կիլոմետրում, ՎԱԶ-2108 մակնիշի 01ԼՕ 066 պետական համարանիշով ավտոմեքենան/վարորդը` 1992-ին ծնված Տ.Կ.-ն/ դուրս է եկել ավտոճանապարհի երթեւեկելի հատվածից եւ շրջվել:

Հրշեջ-փրկարարները ավտոմեքենայից դուրս են բերել վարորդի դին, հոսանքազրկել են մեքենան եւ փակել գազի փականը: