Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Ներկայիս Թուրքիայի տարածքում գտնվող հայկական Տիգրանակերտ (Դիարբեքիր) քաղաքի Սուր շրջանում Քուրդիստանի բանվորական կուսակցության և թուրք ոստիկանների միջև բախումները թեժացել են: 6 թաղամասում, 1 պողոտայում և Դաղքափը հրապարակում արդեն 7 օր է՝ պարետային ժամ է:
Ինչպես տեղեկացնում է Hurriyet-ը, կեսօրից հետո քաղաքի տարբեր շրջաններում հաճախակի են դարձել կրակոցի և պայթյունի ձայները: Բախումների ընթացքում զոհվել է 1 մարդ, թուրքական ոստիկանությունը վնասազերծել է 10 քուրդ զինյալի:
Բախումներ են եղել նաև քաղաքի կենտրոնական շրջաններում: Մի խումբ, որի մեջ եղել են նաև երեխաներ, փորձել է բարիկադներով փակել Էքինջիլեր պողոտան, սակայն ոստիկանությունը խումբը ցրել է՝ կիրառելով արցունքաբեր գազ և ջրցան մեքենաներ:
Հրկիզվել է 4 դպրոց, որոնցից 3-ն այլևս պիտանի չեն շահագործման համար: Ըստ ոստիկանության՝ դպրոցները հրկիզել են քուրդ զինյալները: