Հարկայինի թիրախ են դարձել հատ­կապես փոքր բիզնեսի ներկայացուցիչները. «ՀԺ»

Պետական բյուջեի եկա­մուտների նվազումը ստի­պում է մեր հարկային ծա­ռայությանը ինտենսիվ քայլեր ձեռնարկել բյուջեն հավաքագրելու համար: Հարկայինի հիմնական թիրախ են դարձել հատ­կապես փոքր բիզնեսի ներկայացուցիչները: Ինչպես պնդում են հատկապես փոքր խանութների տերերը, վերջին շրջանում հարկային տեսուչները այ­լեւս չեն բավարարվում ՀԴՄ կտրոն չտալու համար մեկ անգամ 150 հազար դրամով տուգանելուց: Նախկինում ՀԴՄ կտրոն չտալու համար տարին մեկ անգամ տու­գանվելը փոքր բիզնեսի համար արդեն հաստատված խաղի կանոն էր դարձել: Գործարարները, իհարկե, դժգոհում էին դրանից, սակայն առանձնապես չէին ըմբոստանում: Վերջին շրջանում պատկերը կտրուկ փոխվել է: Հարկայինը արդեն նոր խաղի կանոններ է մտցնում, գնալով ավելի հաճախակի են դառնում ՀԴՄ կտրոն չտրամադրելու համար երկրորդ անգամ տու­գանելու դեպքերը, որը ենթադրում է արդեն 300 հազար ղրամի տուգանք: Սա լուրջ բեռ է փոքր տնտեսվարողների համար եւ նրանցից շատերը դադարեցնում են իրենց գործունեությունը:

Օրվա մյուս հրապարակումներին ծանոթացեք թերթի այսօրվա համարում: