Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Այսօր լրագրողների հետ զրույցում գյուղատնտեսության նախարար Սերգո Կարապետյանը, պատասխանելով Yerkir.am-ի այն հարցին, թե ինչո՞ւ այս տարի առաջացավ գյուղմթերքի մթերման խնդիր, ինչի արդյունքում տոննաներով փչացան խաղողը, վարունգը, ծաղկակաղամբը, նուռը, ասաց. «Ոչ մի բան էլ գյուղացիները չեն թափում, ապատեղեկատվություն մի\' տարածեք»:
Պնդեցինք, որ մթերքը չմթերելու ու փչանալու վերաբերյալ պատմում են հենց գյուղացիները: Ննախարարը պատասխանեց. «Իրենք շատ բան են ասում, ոչ մի բան էլ չեն թափում, մթերումները շարունակվում են, արդեն ավարտին են մոտենում խաղողի մթերման աշխատանքները: Վայոց ձորի մարզում ընդամենը մի քանի տոննա մթերելու խաղող է մնացել, երեք-չորս օրվա ընթացքում կավարտվի: Ամեն օր մթերումները շարունակվում են, ոչ մի խնդիր չկա: Գիտե՞ք՝ ինչ կա, շատ տեղ շատ բան է փչանում, հիմա դա պետք է կապեք մեզ հե՞տ: Ի՞նչ ա նշանակում՝ փչանում ա, կարող ա լավ չեն պահում, փչանում ա»:
Հարցին, թե ինչո՞ւ են այդ դեպքում գյուղացիները սրտնեղած պատմում, որ չմթերելու պատճառով մթերքը փչանում է, նախարարը պատասխանեց. «Իրենցից հարցրեք»: