Հովիկ Աբրահամյանը Ռոզա Ծառուկյանին մաղթեց... բարգավաճում

Այսօր Հովիկ Աբրահամյանը մասնակցել է «ԱրմՊրոդԷքսպո» միջազգային մասնագիտացված ցուցահանդեսին և «Հայագրոֆորում» համաժողովի բացմանը: Միջոցառումները կազմակերպվել են ՀՀ գյուղատնտեսության աշխատողի օրվան ընդառաջ:

Այստեղ տաղավարներ էր ներկայացնում նաև Գագիկ Ծառուկյանի մայրը` Ռոզա Ծառուկյանը` մեղրի ու կաթնամթերքի սեփական ընկերության արտադրանքը: Հովիկ Աբրահամյանը մոտեցավ Ռոզա Ծառուկյանի տաղավարին, ողջունեց:

- Ամենաաշխատունակ մարդն ես դու,- ասաց Հովիկ Աբրահամյանը:

Ռոզա Ծառուկյանն էլ բարեմաղթանք ասաց վարչապետին.

- Ձեզ առողջություն եմ ցանկանում, երկրին` խաղաղություն, մեզ էլ` աշխատանք,  ձգտում ...

- Եվ բարգավաճում,- ավելացրեց Հովիկ Աբրահամյանը: