ԼՂՀ-ի ճանաչմանը Ադրբեջանը կարող է ռազմական պատասխան տալ. Ուորլիք

Լեռնային Ղարաբաղի ճանաչումը կարող է հանգեցնել Ադրբեջանի կողմից վտանգավոր ռազմական պատասխանի. ադրբեջանական Trend-ի հետ զրույցում ասել է ԵԱՀԿ ՄԽ համանախագահ Ջեյմս Ուորլիքը:

«Ե\'վ Հայաստանը, և\' Ադրբեջանը պարտավորվել են քայլեր ձեռնարկել հակամարտության խաղաղ կարգավորման ուղղությամբ: Մենք վստահեցնում ենք նրանց, որ պատրաստ ենք շարունակել աշխատանքը կողմերի հետ բանակցությունների հիմքի վրա»,- ասել է նա:

Ուորլիքը նշել է, որ լարվածությունը տարածաշրջանում մեծ է, և ԵԱՀԿ-ն զգուշացնում է` զերծ մնալ քայլերից, որոնք կարող են նոր սրման հանգեցնել:

Ամերիկացի համանախագահը նաև հայտնել է, որ համանախագահներն այս ամսվա վերջին կայցելեն տարածաշրջան և հանդիպումներ կունենան նախագահների հետ: