Սեւանա լճում կորած երիտասարդները դեռ չեն գտնվել

Ինչպես արդեն տեղեկացրել էինք, երեկ, ժամը 17.25-ին ահազանգ է ստացվել, որ Հայրավանք գյուղի մոտակայքում ձկնորսության ժամանակ մոտորանավակը խորտակվել է, ձկնորսներից մեկը լողալով դուրս է եկել ջրից, իսկ 2-ը մնացել են ջրում. անհրաժեշտ է փրկարարների օգնությունը:

Դեպքի վայր էր մեկնել ՀՋՋ-ի հերթապահ խումբը, ՄՃԿԿ օպերատիվ խումբը և երկու մարտական հաշվարկ:

Դեռևս չբացահայտված հանգամանքներում մոտորանավակը խորտակվել էր, ինչի հետևանքով այնտեղ գտնվող 1986 թ. ծնված Հ. Մ.-ը, 1985 թ. ծնված Դ. Վ.-ը  և Ա. Թ.-ը (մոտ 28 տ) հայտնվել էին  ջրում:

Հ. Մ.-ը լողալով դուրս էր եկել ափ և ահազանգել ընկերների՝ լճից ափ դուրս չգալու վերաբերյալ: 

Ժամը 21.40-ին որոնողափրկարարական աշխատանքները դադարեցվել էին՝ առավոտյան վերսկսվելու նպատակով:

Այսօր ժամը 07.00-ին Դ. Վ.-ի  և Ա. Թ.-ի որոնողական աշխատանքները վերսկսվել էին, սակայն ապարդյուն: Ժամը 19.25-ին որոնողական աշխատանքները դադարեցվել են մթության պատճառով և կվերսկսվեն սեպտեմբերի 27-ին: Աշխատանքներին մասնակցել են նաև տեղի բնակիչները: