Ճանապարհային ոստիկանի մասնակցությամբ վթարի հետևանքով ուղևորը մահացել է

2015 թվականի օգոստոսի 3-ին՝ ժամը 23:20-ի սահմաններում, ՀՀ ճանապարհային ոստիկանության աշխատակից Հակոբ Մ.-ն իր վարած «Օպել Աստրա» մակնիշի ավտոմեքենայով Հրազդան-Հանքավան ճանապարհին բախվել է համընթաց ընթացող Արմեն Հ.-ի վարած «Տատրա 815» մակնիշի բեռնատար ավտոմեքենային: Վթարի հետևանքով ստացած մարմնական վնասվածքներով Հակոբ Մ.-ն տեղափոխվել է «Հրազդան» բժշկական կենտրոն, իսկ ուղևոր Ա. Պ.-ն ստացած մարմնական վնասվածքներից մահացել է:

Դեպքի առթիվ ՀՀ քննչական կոմիտեի Կոտայքի մարզային քննչական վարչությունում ՀՀ քրեական օրենսգրքի 242-րդ հոդվածի 2-րդ մասի հատկանիշներով հարուցված քրեական գործն ընդունվել է ՀՀ հատուկ քննչական ծառայության վարույթ:

Նախաքննությունը շարունակվում է: