Սարգսյանն առաջարկել է կիբերանվտանգության թեմայով համաժողով անցկացնել Հայաստանում

Հայաստանը 2016-ին, ՀԱՊԿ նախագահության շրջանակում, առաջարկում է կիբերանվտանգության վերաբերյալ միջազգային համաժողով անցկացնել։ Այդ մասին հայտարարել է ՀՀ նախագահ  Սերժ Սարգսյանը Դուշանբեում ՀԱՊԿ Հավաքական անվտանգության խորհրդի նիստում ելույթի ժամանակ. հայտնում է РИА Новости-ն։

«Բնականաբար, մենք ուշադրություն կհատկացնենք ժամանակակից մարտահրավերների և սպառնալիքների դեմ պայքարում համագործակցությանը... Այդ ուղղությամբ, որպես առաջին գործնական քայլ, առաջարկում ենք 2016-ին Հայաստանում համաժողով անցկացնել ՀԱՊԿ անդամ պետությունների կիբերտարածքում անվտանգության ապահովման հարցերի վերաբերյալ»,- ասել է Սարգսյանը։