Թեհրանում այսպես կոչված «Զանգեզուրի միջանցքի» թեմայով համաժողով կանցկացվի

«Զանգեզուրի միջանցք. Իրանի դեմ աշխարհաքաղաքական սպառնալիքները և տարբեր գործիչների հեռանկարները» թեմայով համաժողով է, որն Իրանի «Մեհր»-ը և Հայաստանի «Օրբելի» վերլուծական հետազոտությունների կենտրոնը նախատեսում են համատեղ անցկացնել օգոստոսի 5-ին, հաղորդում է Mehr գործակալությունը։

Համաժողովում բացման խոսքով հանդես կգա «Մեհր» ընկերության կառավարիչ տնօրեն, դոկտոր Մեհդի Ռահմատին։ Մեկօրյա աշխատաժողովը կմիավորի երկու հարևան երկրների հետազոտողների և լրագրողների։

Դոկտոր Ռահմատիի ելույթից հետո, Հայաստանի Օրբելի կենտրոնի հետազոտողները, նրանց թվում՝ Նվեր Դավթյանը, Ժաննա Վարդանյանը, Էդվարդ Բուքրաջյանը և Ջոնի Մելիքյանը, կներկայացնեն «միջանցքի» տարածաշրջանային անվտանգության վրա ունեցած ազդեցության վերաբերյալ իրենց վերլուծությունը։

Բացի դրանից, միջոցառմանը իրենց վերլուծությունները կներկայացնեն նաև Թուրքիայի Հայրենասիրական կուսակցության առաջնորդ Դողու Փերինչեքը, Ադրբեջանից Եխսան Հաջիևան և իրանցի փորձագետներ, մասնավորապես՝ Դարիուշ Սաֆարնեջադը, Շոաիբ Բահմանը, Էհսան Մովահեդյանը և Մոհամմադռեզա Մորադին, հաղորդում են իրանական լրատվամիջոցները։