Դպրոցականների թունավորման դեպքով նյութեր են նախապատրաստվում

Արարատի մարզում 26 երեխայի թունավորման դեպքի կապակցությամբ ՀՀ քննչական կոմիտեի Արարատի մարզի քննչական բաժնում նյութեր են նախապատրաստվում: Այս մասին yerkir.am-ին հայտնեցին ՀՀ քննչական կոմիտեից՝ նշելով, որ դեպքի հանգամանքները պարզվում են:

Ավելի վաղ հայտնել էինք, որ, Yerkir.am-ի տեղեկություններով, թունավորվան ախտանիշներով հիվանդանոց են տեղափոխվել մարզի Բաղրամյան, Այգեզարդ, Բերքանուշ և Դալար գյուղի երեխաներ, որոնք բոլորն էլ թունավորվել են դպրոցում: Նախնական տեղեկություններով՝ պատճառը եղել է նրբերշիկը:

Մեր տեղեկություններով՝ այս պահին մարզի բժիշկները շրջում են գյուղերում՝ պարզելու` արդյո՞ք կան նույն սննդից օգտված և թունավորված այլ երեխաներ: Արտաշատի ԲԿ-ում գտնվող երեխաների մեծ մասի առողջական վիճակը բարելավվել է, մեկինը շարունակում է մնալ ծանր: