Օձը մտել էր խոհանոց

Սեպտեմբերի 10-ին, ժամը  07.48-ին ահազանգ է ստացվել, որ Երևանի Նորքի 1-ին փողոցի տներից մեկում օձ է նկատվել, որը բռնելու և անվտանգ տարածք տեղափոխելու համար անհրաժեշտ է փրկարարների օգնությունը:

Դեպքի վայր է մեկնել փրկարարական ջոկատը:

Փրկարարները խորդանոցում հայտնաբերել են սահնօձ տեսակի օձ և տեղափոխել անվտանգ տարածք: 

***

Սեպտեմբերի 9-ին, ժամը 20.59-ին ահազանգ է ստացվել, որ Հատիսի փողոցի թիվ 22 շենքի բնակարաններից մեկի խոհանոցում նկատել են օձ, որը բռնելու և անվտանգ տարածք տեղափոխելու համար անհրաժեշտ է փրկարարների օգնությունը:

Դեպքի վայր է մեկնել ՀՓՋ-ի օպերատիվ խումբը:

Հրշեջ-փրկարարները Ժ. Կ.-ի բնակարանի խոհանոցում հայտնաբերել և անվտանգ տարածք են տեղափոխել սահնօձ տեսակի օձ: