Ադրբեջանը ռուսական ռազմական տեխնիկայի հիմնական պատվիրատուներից է

Ցամաքային զորքերի համար ռուսական տեխնիկայի և սպառազինությունների օտարերկրյա պատվերների պորտֆելը գերազանցում է 12 միլիարդ դոլարը։ Այդ մասին Russia Arms Expo ցուցահանդեսում ասել է  «Ռոսօբորոնէքսպորտ» ընկերության գլխավոր տնօրենի տեղակալ Իգոր Սևաստյանովը. գրում է ТАСС-ը։

Ռազմավարությունների և տեխնոլոգիաների ուսումնասիրման կենտրոնի տվյալներով՝ Ռուսաստանի կողմից իրականացվող` ցամաքային զորքերի տեխնիկայի հիմնական պայմանագրերը վերաբերում են Т-90С տանկերի (Հնդկաստանի և Ադրբեջանի համար), БМП-3-ի (Ադրբեջանի և Ինդոնեզիայի համար), ինքնագնաց հրետանային և ծանր կրականետային համակարգերի (Իրաքի և Ադրբեջանի համար), զինամթերքի (Հնդկաստան, ԱՄԷ), ինժեներային տեխնիկայի (Իրաք), հակատանկային համալիրների (Բահրեյն, Նամիբիա), հրաձգային զենքի մատակարարմանը։