Բազմաթիվ անհեթեթություններ կան սահմանադրական բարեփոխումների հրապարակված գլուխներում. Արամ Սարգսյան

Հայաստանի դեմոկրատական կուսակցության նախագահ Արամ Սարգսյանն այսօր լրագրողների հետ հանդիպման ընթացքում անդրադարձավ սահմանադրական բարեփոխումների հրապարակված յոթ գլուխներին: Սարգսյանի կարծիքով՝ այն ինչ արդեն տպագրված է քննարկման ենթակա չէ. այնտեղ կան բազմաթիվ անճշտություններ և անհեթություններ:

«Ճիշտ է՝մենք կողմնակից ենք խորհրդարանական կառավարման մոդելին, բայց այս իշխանությանը որևէ բան չի խանգարում այս կառավարման տարբերակով էլ կարգին կառավարել երկիրը: Ես ուզում եմ հատկապես անդրադառնալ այն կետին, որտեղ նշվում է ԱԺ ընտրությունների երկրորդ փուլի մասին: Սա պարզապես հիմարություն է: Քսան տարվա ընթացքում երրորդ անգամ ենք Սամանադրություն ընդունում: Ամբողջ համակարգը լուրջ փոփոխությունների կարիք ունի»,- ասաց Սարգսյանը՝ հավելեով, որ խորհրդարանական կառավարման մոդելը կարող է արդյունավետ լինել, սակայն, այս սահմանադրական բարեփոխումների դեպքում դա այդքան էլ հավանական չէ: