Առանց Ռուսաստանի չէր լինի Իրանի հարցով համաձայնություն. Օբամա

ԱՄՆ նախագահ Բարաք Օբաման The New York Timesճի հետ զրույցում հայտարարել է, որ եթե չլիներ Ռուսաստանի աջակցությունը, իրանական միջուկային ծրագրի վերաբերյալ համաձայնության հասնել չէր հաջողվի. հայտնում է ТАСС-ը:

«Ռուսաստանը օգնեց այդ հարցում: Անկեղծ կլինեմ ձեզ հետ: Հաշվի առնելով՝ ինչպիսի տարաձայնություններ ունենք ՌԴ-ի հետ Ուկրաինայի հարցով, ես վստահ չէի, որ աջակցություն կլինի: Ինձ զարմացրեց՝ որքան էին ՌԴ նախագահ Վլադիմիր Պուտինը և ռուսական կառավարությունը առանձնացնում իրարից այդ երկու խնդիրները (Իրանի և Ուկրաինայի), և մենք չէինք հասնի համաձայնության, եթե չլիներ Ռուսաստանի պատրաստակամությունը` գործել մեզ և «վեցյակի» այլ անդամների հետ»,- ասել է Օբաման: