Կ.Պոլսում Էրդողանին վիրավորելու մեղադրանքով ծեծի է ենթարկվել երկու լրագրող

Թուրքիայում իբր Էրդողանին վիրավորելու պատճառով տուժողների թիվը օրեցօր ավելանում է:

Ըստ Demokrathaber-ի՝ ամառային ճամբարին մասնակցելու կոչ անելու համար Կ.Պոլսի Բեյօղլու փողոցում սեղան դրած և երաժշտություն միացրած Ուսանողների երիտասարդական միության 3 անդամ ձերբակալվել է՝ Էրդողանին վիրավորելու մեղադրանքով:

Սակայն դեպքն այդքանով չի ավարտվել: Այդ ընթացքում ուսանողների ձերբակալությունը լուսաբանող երկու լրագրողներ ծեծի են ենթարկվել: Տեղեկությունների համաձայն՝ դեպքը լուսաբանելիս ոստիկանները մոտեցել և արգելել են տեսագրել: Ոստիկաններից մեկը հրահանգել է ձերբակալել կին լրագրողին՝ հրաժարվելով ներկայանալ:

Ոստիկանության բաժանմունքում լրագրողների ինքնության քարտերը ստուգելուց հետո նրանց ազատ են արձակել:

Ձերբակալված երեք ուսանողների մասին դեռևս տեղեկություն չի հաղորդվում: