Հայ բռնցքամարտիկները Թբիլիսիից կուղևորվեն Բաքու

Բաքվում ընթացող առաջին Եվրոպական խաղերում հանդես եկող Հայաստանի հավաքականը շարունավում է համալրվել: Այսօր՝ մեր ընտրանուն կմիանան հայ բռնցքամարտիկները: Այդ կապակցությաբ տեղեկություն է տարածել Հայաստանի բռնցքամարտի ֆեդերացիայի մամուլի ծառայությունը:

«Եվրոպական առաջին խաղերին մասնակցող մեր բռնցքամարտիկները արդեն Թբիլիսիում են և քիչ հետո ինքնաթիռով կուղևորվեն Բաքու: Բռնցքամարտի հայկական պատվիրակության կազմում են 49 կգ քաշային Արտյոմ Ալեքսանյանը, 52 կգ քաշային Նարեկ Աբգարյանը, 56 կգ քաշային Արամ Ավագյանը, 60 կգ քաշային Սամվել Բարսեղյանը, 64 կգ քաշային Հովհաննես Բաչկովը , 81 կգ քաշային Նիկոլ Արությունովը, ինչպես նաև մարզիչներ Կարեն Աղամալյանը, Արման Հարությունյանը և Վյաչեսլավ Արությունովը:

Հայ բռնցքամարտիկները Բաքվում իրենց ելույթը կսկսեն հունիսի 16-ին : Նախնական տվյալներով մեր մարզիկներից առաջինը ռինգ դուրս կգան 56 կգ քաշային Արամ Ավագյանը, 60 կգ քաշային Սամվել Բարսեղյանը և 64 կգ քաշային Հովհաննես Բաչկովը: Հայաստանի բռնցքամարտի ֆեդերացիան մրցավայր է ուղարկել վերենշված քաշային կարգերի ուժեղագույն մարզիկներին .և յուրաքանչյուր մարզիկից մեդալի ակնկալիք ունի:

Մեր բռնցքամարտիկները նախքան մրցավայր մեկնելը անցել են ֆիզիկական և հոգեբանական բարձր պատրաստվածություն և պատրաստ են Բաքվում բարձր պահել հայկական սպորտի և Հայաստան անունը»,- նշված է հայտարարության մեջ: