Ուկրաինայում 220 ռուս զինվոր է մահացել. հրապարակվել է Նեմցովի զեկույցը

Ուկրաինայի արևելքում անցած տարվա օգոստոսին և այս տարվա սկզբին տեղի ունեցած մարտերի ընթացքում զոհվել է մոտ 220 ռուս զինվոր: Այդ մասին ասված է զեկույցում, որը պատրաստել էր փետրվարին սպանված ռուս ընդդիմադիր քաղաքական գործիչ Բորիս Նեմցովը:

«Պուտին. պատերազմ» զեկույցն ավարտին են հասցրել նրա կուսակցական ընկերները և այսօր ներկայացրել հանրությանը: Այն հրապարակվել է Открытая Россия կայքում: 

Զեկույցը հիմնված է բաց տվյալների և մահացած զինվորների բարեկամներից Նեմցովի ստացած տեղեկությունների հիման վրա:

Զեկույցում նշվում է, որ Ռուսաստանը տասն ամիսների ընթացքում ուկրաինական պատերազմի վրա ծախսել է մինչև 53 միլիարդ ռուբլի: