Հրապարակվել է «Թուրքիայում հայկական հաստատությունների խնդիրները» վերնագրով զեկույցը

Որպես «Փոքրամասնությունների իրավունքներին արդիական հայացք» անվամբ նախագծի վերջնական արդյունք՝ հրատարակվել է Օհաննես Քըլըչդաղըի հեղինակած զեկույցը, որ կոչվում է «Նեղ շապիկ․ Թուրքիայում հայկական հաստատությունների խնդիրները և դրանց լուծման վերաբերյալ առաջարկներ»։

Այդ մասին, Akunq.net-ի հաղորդմամբ, հայտնում է պոլսահայկական «Ակօս» երկլեզու շաբաթաթերթը։

Աղբյուրի փոխանցմամբ՝ սույն զեկույցում ներկայացված են Կոստոնդնուպոլսի հայոց դպրոցներում, հայկական հաստատություններում ու Հայոց պատրիարքարանում առաջացած խնդիրները և դրանց լուծման առաջարկներ։ Զեկույցը հիմնված է հայկական հաստատությունների ղեկավարների և իրավասուների, ինչպես նաև՝ գիտնականների, իրավաբանների և քաղաքացիական հասարակական կազմակերպությունների ներկայացուցիչների հաղորդած տեղեկությունների վրա։

Զեկույցի անգլերեն թարգմանությունը կհրապարակվի ապրիլ ամսին։

https://www.agos.com.tr/tr/yazi/28327/turkiye-de-ermeni-kurumlarinin-sorunlari-raporu-yayinlandi

Թարգմանեց Մելինե Անումյանը

Akunq.net