Հրապարակվել է ամենից շատ ռազմական ծախսեր կատարած երկրների ամենամյա զեկույցը

Ստոկհոլմի Խաղաղության հետազոտական ինստիտուտը (SIPRI)  հրապարակել է 2018 թ. ամենից շատ ռազմական ծախսեր կատարած երկրների ցուցակը:

Ըստ SIPRI-ի` ամբողջ աշխարհում 2018 թ. ռազմական ծախսերը հասել են 1.8 տրիլիոն դոլարի: Ինչպես միշտ առաջին հորիզոնականում է ԱՄՆ-ն, իսկ Թուրքիան զբաղեցնում է 15-րդ տեղը. հաղորդում է haberler.com կայքը:

ԱՄՆ-ի ծախսերը կազմել են 649 մլրդ դոլար, ինչը 4 տոկոսով ավելի է` անցած տարվա համեմատ: Երկրորդ հորիզոնականում է Չինաստանը` 250 մլրդ դոլարով: Երրորդ հորիզոնականում է Սաուդյան Արաբիան, իսկ չորրորդում` Ռուսաստանը` 61 մլրդ դոլարով: Թուրքիան 19 մլրդ դոլարով զբաղեցնում է 15-րդ հորիզոնականը: