ՀՅԴ վստահված անձինք ընտրությունների ժամանակ խախտումներ են արձանագրել

 Yerkir.am-ի թղթակիցը Ստեփանակերտից հաղորդում է, որ այսօրվա խորհրդարանական ընտրությունների ընթացքում ՀՅԴ դիտորդները տարբեր ընտրատեղամասերում արձանագրել են մի շարք խախտումներ:

Շուրջ տասը հոգանոց խմբերով Ստեփանակերտի մի քանի ընտրատեղամաս են այցելել մարդիկ, ովքեր ԼՂՀ-ում քվեարկելու իրավունք չեն ունեցել: Նրանք ուրիշի անձնագրերով փորձել են քվեարկել, սակայն ընտրախախտում անելու փորձը կանխվել է, և նրանց թույլ չի տրվել քվեարկել:

Նշենք նաև, որ ևս մեկ խախտում է արձանագրվել Մարտունու ընտրատեղամասերից մեկում: Ընտրախցիկում գտնվող անձը քվեարկությունից հետո բարձրաձայն ասել է, թե ում է ընտրել: Այդ քվեաթերթիկը ճանաչվել է անվավեր: