Քարդաշյաններին Կարսի շրջանի տարազ և գորգեր են նվիրել

Երեկ Քիմ Քարդաշյանը քույրերի հետ այցելել է «Մեգերյան կարպետներ»: Yerkir.am-ի տեղեկություններով` Քիմին և  նրա 3 քույրերին Կարսի շրջանի 4 տարազ են նվիրել /գլխարկներով/, ինչպես նաև` 4 գորգ` «Տերյան» մշակութային կենտրոնի պատրաստած:

Քարդաշյանն ինքն է ցանկացել լինել «Մեգերյան կարպետներ» կենտրոնում: Տեղում արագ միջոցառում է կազմակերպվել: «Հայ խոհարարական ավանդույթների զարգացման և պահպանման» ՀԿ-ի նախագահ Սեդրակ Մամուլյանը հայկական կերակրատեսակներ է պատրաստել և հյուրասիրել: Միջոցառմանը ներկա է եղել նաև թառահար Միքայել Ոսկանյանը` իր խմբով, որի կատարումներն ուղեկցվել են «Տերյան» մշակութային կենտրոնի տարազների ցուցադրությամբ: Միջոցառմանը ներկա է եղել նաև «Մեգերյան կարպետների» նախագահը` Րաֆֆի Մերգերյանը: