Թուրքիայում ընդունված նոր օրենքը ոստիկաններին թույլատրում է կրակել ցուցարարների վրա

Թուրքիայում ընդունվել է ներքին անվտանգության մասին նոր օրենքը, որով ոստիկանությունն ավելի լայն լիազորություններ է ստանում փողոցային անկարգությունների ժամանակ, իսկ դրանց մասնակիցների նկատմամբ օրենքն էլ ավելի խիստ պատիժ է ենթադրում: Օրենքը հրապարակվել է պաշտոնական Resmi Gazete պարբերականում:

Օրենքով մինչեւ 5 տարի ազատազրկման պատիժ է նախատեսվում այն ցուցարարների համար, ովքեր ակցիաների ժամանակ մասնակիորեն կամ ամբողջությամբ փակում են դեմքերը:

Դյուրավառ հեղուկով շշերը, հրավառելիքները, երկաթե գնդերը հավասարեցվում են զենքին, եւ ոստիկանությանն իրավունք է վերապահվում զենք կիրառել դրանք օգտագործող անձանց դեմ: