Վրաստանի նախագահը՝ Ադրբեջանի և Թուրքիայի հետ առանձնահատուկ համագործակցության մասին

Վրաստանի, Թուրքիայի և Ադրբեջանի համագործակցությունն էներգետիկ ոլորտում կարող է հիմք հանդիսանալ Կասպյան շրջանի այլ երկրների հետ համագործակցության համար: Այդ մասին հայտարարել է Վրաստանի նախագահ Գեորգի Մարգվելաշվիլին Անդրանատոլիական գազատարի (TANAP) նախագծի հիմնարկեքի արարողության ժամանակ. հայտնում է Новости Грузия -ն:

«Հասկանալի է, որ համագործակցության խորացումը կարևոր է շրջանի համար էներգետիկ անվտանգության և էներգետիկ պոտենցիալի լիարժեք օգտագործման տեսանկյունից։ Հենց շրջանի երկրների սերտ համագործակցությունն է ԵՄ-ին էներգառեսուրսների մատակարարման դիվերսիֆիկացման և ԵՄ-ի էներգաանվտանգության պայմանը»,- ասել է նա: