Պուտինը Հայաստանի հետ հարաբերությունները առանձնահատուկ է համարում

ՀՀ նախագահ Սերժ Սարգսյանը ընտրություններից հետո իր առաջին արտասահմանյան այցը Մոսկվա օրինաչափ է համարում: «Ռուսաստանը մեր ռազմավարական գործընկերն է, մեր դաշնակիցը, եւ դրանով ամեն ինչ ասված է»,- ըստ  РИА Новости-ի` ասել է Սերժ Սարգսյանը ՌԴ նախագահ Վլադիմիր Պուտինի հետ հանդիպման ժամանակ:

Պուտինն, իր հերթին, հայտարարել է, որ Ռուսաստանին եւ Հայաստանին կապում են հատուկ հարաբերություններ եւ կրկին Սերժ Սարգսյանին շնորհավորել է նախագահական ընտրություններում հաղթելու կապակցությամբ:

«Հայաստանի հետ մեր հարաբերությունները առանձնահատուկ են: Ընդհանուր առմամբ` դրանք հաջող են զարգանում: Չնայած համաշխարհության տնտեսության որոշակի դժվարություններին` անցյալ տարի ապրանքաշրջանառությունը աճել է ավելի քան 20 տոկոսով, եւ ես հաճույքով եմ նշում, որ Ռուսաստանը շարունակում է պահել առաջին տեղը Հայաստանի հետ առեւտրային-տնտեսական շրջանառությունում»,- ասել է ՌԴ նախագահը:

Սերժ Սարգսյանը Վլադիմիր Պուտինին հրավիրել է այցելել Հայաստան: