Եթե 1990-ականների սկզբին Թուրքիան հզոր լիներ, Ղարաբաղյան հարցը չէր լինի. Էրդողան

Թուրքիան միայն իր հողերի, իր քաղաքացիների համար չէ պատասխանատու. հայտարարել է Թուրքիայի նախագահ Ռեջեփ Թայիփ Էրդողանը:

Ըստ Bik-ի՝ Էրդողանը, նշելով, թե Թուրքիան պատմական և մշակութային առումով պատասխանատվության շատ լայն և մեծ դաշտ ունի, ասել է. «Թուրքիան երկար տարիներ առնչվել է ահաբեկչության խնդրի հետ և տվել 40.000 զոհ»:

Նշելով, որ այդ ժամանակաշրջանում շատ իրադարձություններ են տեղի ունեցել, Էրդողանն ասել է. «Այդ ժամանակ չէինք կարողացել մեր եղբայրներին օգնել, ձեռք մեկնել: Սարայբոսնայում աշխատող 50-ամյա կինը մեր գործընկերներին մի ուշագրավ բան էր ասել, թե՝ եթե 1990-ականների սկզվին Թուրքիան լիներ այսօրվա պես հզոր, այդ կոտորածը չէին կարող իրականացնել: Ահա սա է խնդիրը, ես համաձայն եմ, որ նույն դեպքում չէին լինի ո՛չ Ղարաբաղյան հարցը, ո՛չ էլ Միջին Արևելքում այս օրերին տեղի ունեցող իրադարձությունները»։