Վ. Սարգսյանի անվան ռազմական ինստիտուտի պետը պաշտոնից ազատման դիմում է ներկայացրել

Tert.am-ի տեղեկություններով՝ Վազգեն Սարգսյանի անվան ռազմական ինստիտուտի պետ, գեներալ-լեյտենանտ Մարտին Կարապետյանը կամավոր կերպով պաշտոնից ազատման դիմում է ներկայացրել պաշտպանության նախարարություն:

Նախարար Սեյրան Օհանյանը ընդունել է դիմումը։ Ավելին՝ հանձնարարել է ինստիտուտի ամբողջ ղեկավար կազմին ազատել պաշտոնից:

Հիշեցնենք, որ փետրվարի 29-ին` ժամը 06:35-ի սահմաններում, Երևան քաղաքում տեղակայված N ուսումնական զորամասի մարզահրապարակում կախված վիճակում հայտնաբերվել էր ինստիտուտի ծառայող Հայկազ Արկադիի Բարսեղյանի դին:

Yerkir.am-ին առայժմ չի հաջողվում կապ հաստատել ՀՀ ՊՆ մամուլի խոսնակ Արծրուն Հովհաննիսյանի հետ` մանրամասներ իմանալու համար: