Հայաստանում որակյալ մշակութային արտադրանքը ոչ բավարար քանակի է. նախարար

Հայաստանում որակյալ մշակութային արտադրանքը ոչ բավարար քանակի է, բայց դա ո՛չ կառավարելի է, ո՛չ էլ ուղղորդվող. լրագրողների հետ հանդիպման ժամանակ ասաց ՀՀ մշակույթի նախարար Հասմիկ Պողոսյանը:

Նախարարը, խոսելով մշակութային դաշտում առկա խնդիրների մասին, կարեւորեց նաև մի շարք թանգարանների, մշակութային կենտրոնների վերանորոգման հարցը, որն այդպես էլ չի լուծվում:

«Հասարակությունը դժգոհ է, մենք էլ ենք դժգոհ: Հասկանո՞ւմ եք` մշակույթի ասպարեզում անսպառ ներդրումների կարիք կա, սա այն ոլորտն է, որտեղ մասնավորը մեզ հետ գրեթե չի աշխատում»,- նշեց նախարարը:

Ըստ նրա` մշակութային օջախները, որոնք վերանորոգվում են, հետո նաև տեխնիկական վերազինման կարիք են ունենում, իսկ գումարները քիչ են: