Նոր վարկ` 75 մլն եվրո

Կառավարության վաղվա նիստում քննարկվելու է Հայաստանի Հանրապետության և KFW բանկի միջև 75 մլն եվրո արժողությամբ վարկային և ծրագրային համաձայնագրի ստորագրմանը հավանություն տալու հարցը: Ծրագրի նպատակն է միացնել հայկական և վրացական էներգահամակարգերը վրացական սահմանին մոտ` Այրումում, 500/400/220 կՎ բարձր լարման հաստատուն հոսանքի փոխակերպիչ կայանով:

Վրացական կողմից միացումը կլինի «Մառնեուլի» ենթակայանից 500 կՎ գծի միջոցով, հայկական կողմից`  Հրազդանից` 400 կՎ գծի միջոցով: Ծրագրի 1-ին փուլի ընդհանուր արժեքը կազմում է մոտ 105.2 մլն եվրո:

Վարկը պետությունը պետք է մարի մինչև 2029-ը, տարեկան գումարն էլ կազմելու է 3.5 միլիոն եվրո: Իսկ թե քանի՞ փուլից է կազմված այս ծրագիրը և որտեղի՞ց են վերցնելու անհրաժեշտ մնացած գումարը, ծրագրում նշված չէ: