Ուկրաինայի նախագահն այս տարի կայցելի Ադրբեջան

Երբ հաստատվի Ուկրաինայի կառավարության նոր կազմն ու հայտնի լինի տնտեսական համագործակցության հարցով ուկրաինա-ադրբեջանական միջկառավարական հանձնաժողովի նախագահը, կսկսվեն մի շարք պաշտոնական քննարկումներ Բաքվի հետ համատեղ նախագծերի իրականացման շուրջ: Այդ մասին հայտարարել է Ադրբեջանում Ուկրաինայի դեսպան Ալեքսանդր Միշչենկոն. հայտնում է АПА-ն: 

«Մենք միշտ բարեկամական հարաբերություններ ենք ունեցել Ադրբեջանի հետ: Ադրբեջանի նախագահ Իլհամ Ալիևն անցյալ տարի այցելել էր Ուկրաինա: Այս տարի ակնկալվում է Ուկրաինայի նախագահի այցն Ադրբեջան»,- ասել է դեսպանը՝ հավելելով, որ այցի ժամկետները դեռևս հայտնի չեն: Ժամկետները պետք է քննարկվեն ադրբեջանական կողմի հետ: 

«Ներկայումս մենք Ադրբեջանից արձագանք են ակնկալում Ուկրաինայի արևելքում տեղի ունեցած ընտրությունների կապակցությամբ: Հավատում ենք, որ Ադրբեջանը կասի իր խոսքը»,- հավելել է դեսպանը: