Կադրային փոփոխություններ` ոստիկանությունում

ՀՀ ոստիկանապետ Վլադիմիր Գասպարյանի` հոկտեմբերի 3-ի հրամանով` ոստիկանության Երեւանի քննչական գլխավոր վարչության պետ Արսեն Այվազյանը նշանակվել է Արմավիրի մարզային ոստիկանապետ: Այս մասին Yerkir.am-ին հայտնեցին ոստիկանության լրատվության վարչությունից:

Իսկ Արմավիրի արդեն նախկին ոստիկանապետ Գագիկ Ավետիսյանը նշանակվել է ոստիկանության քրեական հետախուզության գլխավոր վարչության պետ:

Պաշտոնից ազատվել է նաև ոստիկանության «Զվարթնոց» օդանավակայանի բաժնի պետ Արթուր Արիստակեսյանը: Նա նշանակվել է 6-րդ վարչության կոռուպցիայի դեմ պայքարի վարչության պետ: Այս տեղը թափուր էր Միհրան Դավթյանի` աշխատանքից ազատվելուց հետո: