Իրաքում գտնվող եզդիներին ժամկետանց սնունդ են տրամադրում

Արդեն տեղեկացրել ենք, որ Իրաքում գտնվող հազարավոր եզդիներ սննդի կարիք ունեն:

Yerkir.am-ի հետ զրույցում «Սինջար եզդիների ազգային միավորում» ՀԿ-ի նախագահ Բորիս Մուրազին նշեց, որ Իրաքի իշխանությունները դրսից ստացած օգնության շատ չնչին մասն են փոխանցում փախստականներին:

«Ավելին` օրերս փախստականներին, իբրև օգնություն, ժամկետանց սնունդ են տրամադրել, պահածոներ են տվել, որոնց պիտանիության ժամկետն ավարտվել էր դեռ 2012-ին: Իրաքում եզդիների իրավիճակը շարունակում է մնալ ծայրահեղ վատ, կենցաղային ոչ մի պայման չկա»,- ասաց Մուրազին:

Նա տեղեկացրեց նաև, որ մարտական գործողությունները շարունակվում են, եզդիական ջոկատները շարունակում են իրենց տարածքները հետ վերցնել:

Ի դեպ, եզդիական ջոկատների հրամանատար Կասմ Շաշոն հանդիպել է Իրաքի նախագահի հետ և ներկայացրել իր դժգոհությունները, որի արդյունքները, բնականաբար, հետագայում կերևան: