Տասնյակ ոստիկաններ` Ագրարայինի դիմաց

Այսօր առավոտից լարված իրավիճակ էր Ագրարային համալսարանի տարածքում:

Համալսարանի պրոֆեսորա-դասախոսական կազմը և ուսանողները հավաքվել էին շենքի դիմաց և ՕԵԿ-ից պահանջում էին դադարեցնել ապօրինի շինարարությունը, որը կատարվում է իրենց տարածքի հաշվին:

Նշենք, որ երեկ բուհի ուսանողները քանդել էին ՕԵԿ-ի` իրենց տարածքում սարքած ցանկապատը, որը, սակայն, ոստիկանները վերականգնեցին: Ինչպես հայտնում է Yerkir.am-ի լրագրողը` այս պահին տարածքում հսկողություն են իրականացնում տասնյակ ոստիկաններ: Քիչ առաջ էլ բանակցություններ են տեղի ունեցել բուհի ներկայացուցիչների և կուսակցության փոխնախագահ Հեղինե Բիշարյանի միջև , որոնք, սակայն, արդյունք չեն տվել:

Մանրամասները` քիչ հետո: