Դոնեցկում ռազմական դրություն է հայտարարվել

Դոնեցկում ռազմական դրություն եւ պարեկային ժամ է հայտարարվել. ըստ ИТАР-ТАСС-ի` տեղեկացնում է Դոնեցկի ժողովրդական հանրապետության մամուլի ծառայությունը:

«Տարատեսակ միջադեպերից խուսափելու եւ խաղաղ բնակիչների կյանքի ու առողջության պահպանման նպատակով, որպես կարգուկանոնի ամրապնդման միջոց, աշխարհազորի հրամանատարությունը Դոնեցկում մտցնում է ռազմական դրություն եւ պարեկային ժամ»,- ասվում է աշխարհազորայինների հրամանատար Իգոր Ստրելկովի ստորագրած հայտարարության մեջ:

Ըստ փաստաթղթի` ռազմական դրություն կլինի Դոնեցկ քաղաքի մի քանի շրջաններում, որոնց սահմանները կորոշվեն աշխատանքային կարգով: Պարեկային ժամը կգործի 23:00-ից մինչեւ 06:00-ն: