Ուշադրություն` հուլիսի 7-ից՝ նոր արագաչափեր

Շարունակվում են Երևանում և միջպետական նշանակության ավտոճանապարհներին երթևեկության նկատմամբ վերահսկողության և իրավախախտումների արձանագրման արագաչափ սարքերի տեղադրման աշխատանքները: Մասնավորապես, հուլիսի 7-ից գործարկվելու են հետևյալ վայրերում նոր տեղադրված երթևեկության արագության նկատմամբ վերահսկողության արագաչափ սարքերը.

1. Երևանի Արարատյան փողոց՝ Արարատյան և Շիրակի փողոցների խաչմերուկից դեպի Արարատյան և 5-րդ փողոցների խաչմերուկ ուղղությամբ՝ 2 արագաչափ՝ երկու ուղղությամբ, որտեղ երթևեկության թույլատրելի առավելագույն արագությունը 60 կմ/ժ է:

2. Երևանի Բագրատունյաց պողոտա՝ Բագրատունյաց և Արշակունյաց պողոտաների խաչմերուկից դեպի Բագրատունյաց պողոտայի և Ե.Թադևոսյան փողոցի խաչմերուկ ուղղությամբ՝ 2 արագաչափ՝ երկու ուղղությամբ, որտեղ երթևեկության թույլատրելի առավելագույն արագությունը 60 կմ/ժ է:

Այս մասին հայտնում է Ճանապարհային ոստիկանությունը և հորդորում վարորդներին պահպանել երթևեկության կանոնները: