Փոխարժեքներ 22 11 2024
USD	⚊	$ 389.76
EUR	⚊	€ 406.4
RUB	⚊	₽ 3.79
GBP	⚊	£ 488.37
GEL	⚊	₾ 142.31

կարևոր

Ազգային երիտասարդություն ունենալու հեռանկարով․ ամփոփվեց «Ազգային քաղաքական դպրոցի» 5-րդ շրջափուլը
36 րոպե առաջ Հասարակություն
Փաշինյանի իշխանութունը խորը ճգնաժամի մեջ է․ Վլադիմիր Մարտիրոսյան
3 ժամ առաջ Քաղաքական
Գումարելիների տեղափոխությունից գումարը չի փոխվում. քաղաքացիները` ՏԿԵ հին ու նոր նախարարների մասին
3 ժամ առաջ Հասարակություն
Վանի այցելուների թիվն աննախադեպ կերպով աճել է
3 ժամ առաջ Հասարակություն
Ինչ պայմանով հայերը կարող են վերադառնալ Արցախ․ Հաջիև
4 ժամ առաջ Տարածաշրջան
Արմենուհի Հարությունյանն ազատվել է փոխնախարարի պաշտոնից
4 ժամ առաջ Հասարակություն
Նիկոլը, Էրդողանն ու Ալիևը միասին տանգո են պարում, որի պատճառով ՀՀ-ն վիլայեթացվում է․ Շարմազանով
4 ժամ առաջ Քաղաքական
Այսուհետ Հայաստանը և Չինաստանը ավելի լայն գործառույթներ կիրականացնեն․ Մարիամ Մանուկյան
4 ժամ առաջ Հասարակություն
Արդարացվեց Սրբազան շարժման օրերին հետապնդման ենթարկված ևս երկու մասնակից. փաստաբան
8 ժամ առաջ Իրավական
ՀԲԸՄ֊ի «Կարիերայի նոր հնարավորություններ և հեռանկարներ» խորագրով տոնավաճառը
9 ժամ առաջ Հասարակություն

0 դիտում,

10 տարի առաջ - 2014-04-22 15:30

Քաղաքական

ՀՅԴ Հայաստանի Գերագույն ժողովի հայտարարությունը

ՀՅԴ Հայաստանի 18-րդ Գերագույն ժողովը, հանգամանորեն քննարկելով ՀՅԴ Հայաստանի կազմակերպության երկամյա գործունեությունը, երկրում ընթացող քաղաքական, հասարակական, տնտեսական զարգացումները, կատարեց իրավիճակի ախտաճանաչում և համախոհության մթնոլորտում նախանշեց կուսակցության առաջիկա ուղենիշներն ու անելիքները:

Ժողովն անդրադարձավ Հայաստանի Հանրապետության առջև ծառացած ներքին ու արտաքին մարտահրավերներին, տարածաշրջանային խնդիրներին, երկրում ստեղծված սոցիալ-տնտեսական բարդագույն իրավիճակին, իշխանությունների անհեռատես քաղաքականությանը` ընդգծելով կառավարման ներկայիս արատավոր համակարգը հիմնովին բարեփոխելու անհրաժեշտությունը:

Ժողովն արձանագրեց, որ կուսակցության` համակարգային փոփոխություններ երաշխավորող քաղաքական, տնտեսական առաջարկությունների փաթեթը շարունակելու է մնալ իշխանությունների և քաղաքական ուժերի հետ ՀՅԴ հարաբերությունների առանցքում: Շեշտվեց, որ Գերագույն մարմինը պետք է առավելագույնն անի որակական փոփոխություններով ազգային պետություն ստեղծելու, արդյունավետ կառավարում ապահովելու նպատակների շուրջ քաղաքական ու քաղաքացիական լայն համախմբում ձևավորելու համար:

Ժողովը կուսակցության շարքերը երիտասարդացնելու, ժամանակակից արդյունավետ մեթոդներով գործելու, ժողովրդային լայն շրջանակներին բացվելու, անկախության սերնդի մոտ ազգային մտածողություն արմատավորելու խնդիր առաջադրեց: Վերահաստատվեց երկրում համակարգային, ամբողջական իշխանափոխություն իրագործելու Դաշնակցության դիրքորոշումը: Կուսակցությունը շարունակում է իր գործունեությունը ընդդիմադիր դաշտում` փաստարկված քննադատությունը զուգակցելով այլընտրանքային, զարգացման ծրագրերի ներկայացմամբ:

Արդարության հաստատումը, ՀՀ քաղաքացիների ազատ, արժանապատիվ կյանքի երաշխավորումը, ինքնիշխանության սահմանափակումներ թույլ չտալը, աղետալի արտագաղթի կասեցումը, աղքատության նվազեցումը, Արցախի հիմնահարցի արդարացի կարգավորումը, Հայ դատի և ցեղասպանության միջազգային ճանաչման հետապնդումը շարունակելու են մնալ կուսակցության գործունեության գերակա ուղղությունները:

Ելնելով երկրում ստեղծված նոր քաղաքական իրավիճակից` ժողովը վերահաստատեց ՀՅԴ Հայաստանի Գերագույն մարմնի` ապրիլի 17-ի հայտարարության հիմնական դրույթները: