Ես ողջ եմ, ես լեգիտիմ նախագահ եմ. Յանուկովիչ

Դոնի Ռոստովում Վիկտոր Յանուկովիչի հրավիրած երկրորդ մամուլի ասուլիսը շատ կարճ տևեց: Նա ընդամենը հանդես եկավ հայտարարությամբ, որում վերահաստատեց նախորդ ասուլիսի ժամանակ արված հայտարարությունները:

Յանուկովիչը շարունակում է պնդել, որ Ուկրաինայում անօրինական հեղաշրջում է կատարվել, իսկ ինքը շարունակում է մնալ Ուկրաինայի միակ լեգիտիմ նախագահը:

Յանուկովիչը նաև անդրադարձավ բոլորին այս օրերին ամենից շատ հետաքրքրող խնդրին՝ իր ողջ լինելուն: «Ես ողջ եմ»,- մի քանի անգամ հայտարարեց նա՝ ավելացնելով, որ կվերադառնա Ուկրաինա, երբ նպաստավոր պայմաններ ստեղծվեն:

Նշենք, որ կարճ ելույթից հետո Յանուկովիչը հեռացավ՝ չպատասխանելով լրագրողների հարցերին, որոնք շարունակում էին նրա հետևից կանչել. «Պարո'ն նախագահ...»: